Individuos adultos de ostra plana (Ostrea edulis) de excelente calidade procedentes dun núcleo de reprodutores obxecto dun programa de selección deseñado para obter altas taxas de crecemento e resistencia ás enfermidades. Producidos en sistema de cultivo semiintensivo en augas atlánticas tipificadas como zona A, libres de Bonamia spp., Marteilia spp. e Perkinsus spp. Purificados en auga estéril microfiltrada baixo autorización sanitaria da Unión Europea.

A pesar de se tratar dun produto refrixerado (4-5 ºC) procedente de zona A, libre das principais enfermidades, como todo molusco para consumo é recomendable a súa depuración mediante cloración ou ozonización (24-48 h, T óptima 12-14 ºC).