Sistemas de marcación especificamente indicados para peixes, crustáceos e moluscos de auga doce e/ou salgada. Microchips implantados de identificación electrónica, marcas alfanuméricas e elastómeros visibles e inxectadas no tecido brando do animal. Permiten a trazabilidade e identificación precisa de adultos, xuvenís e alevíns, en programas de selección de reprodutores, monitorización do crecemento, identificación de grupos e subgrupos, etc. Posibilitan a identificación rápida e sinxela de especies acuáticas sen necesidade de utilizar instrumentos sofisticados. Equipos de inxección manual e pneumática indicados para pequenos e grandes grupos de animais. Construídos en materiais inertes e robustos. Accesorios e repostos dispoñibles en todos os modelos de inxectores.
Características
Microchips electrónicos: diferentes tamaños: (a) 11,5 mm x 2,1 mm; (b) 14 mm x 2,1 mm; (c) 18 mm x 3,9 mm. Códigos posibles: 70 trillóns únicos. Selados hermeticamente en cristal biocompatible. Recubrimento antimigratorio. Aplicadores: xiringa ou pistola. Lectores portátiles e fixos.
Kit de marcas alfanuméricas: inclúe 100 marcas alfanuméricas, un inxector manual, Lanterna de luz azul, lentes de filtro ambarino, pedra para afiar a agulla, vídeo e instrucións de manexo.
Kit de marcación con elastómeros: para pequeno número de animais. Contén un inxector manual e 4 cores de elastómeros. Utensilios para mesturar o implante e para inxectar. Lanterna de luz azul, lentes de filtro ambarino, estoxo de carga, vídeo e instrucións de manexo detalladas.
Observacións
Para obter asesoramento sobre o sistema de marcación (pneumático, multiinxección manual, etc.), accesorios (clasificadores, detectores, lectores, etc.) e modo de emprego, consulte coa nosa oficina comercial en ventas@acuinuga.com