Clasificadoras de peixes planos (rodaballo, linguado, platixa, fletán, etc.) de alta precisión (± 0,1 g). Permiten a clasificación de exemplares desde 1 g ata 3 kg de peso corporal, favorecendo a redución do canibalismo, a homoxeneidade dos lotes e o crecemento do cultivo. Deseñadas especificamente para peixes planos, incorporan un sistema especial de rodos continuamente irrigados por auga que aseguran o paso suave dos peixes pola máquina. Posúen saídas para peixes clasificados en ambos os lados da estrutura. Construídas con materiais de primeira calidade que garanten o bo estado da máquina durante anos cun mantemento mínimo. Inclúen un sistema especial de elevación e achega de auga que permite manter os peixes en posición correcta durante o transporte en vivo. O sistema de saída permítelle ao operario manter auga no fondo da estrutura continuamente, minimizando o estrés de manexo. Máquinas moi lixeiras e facilmente manexables.