Sistema POA de Tratamento de Auga

Sistema de esterilización da auga que garante a eliminación de parasitos, bacterias, fungos e virus, capaz de procesar grandes volumes de auga do mar ou doce a un custo moderado.

Con base nas tecnoloxías de procesos oxidativos avanzados (POA), este novo método de tratamento resulta na eliminación de ata o 99,9% da carga de norovirus en bivalvos, ademais de coliformes, salmonela, vibrio e outros patóxenos que afectan a peixes, moluscos e crustáceos de importancia comercial. A diferenza doutros métodos, tales como a adición de hipoclorito, a irradiación ultravioleta ou a ozonización, este sistema non resulta na xeración de substancias tóxicas, sendo eficaz mesmo baixo condicións de elevada contaminación ou con augas moi turbias.

Equipos automáticos e programables de baixo consumo, robustos, compactos, silenciosos, sen consumibles, permiten o seguimento constante de parámetros críticos de calidade da auga, tales como temperatura, salinidade, pH, potencial redox etc., así como programación de alarmas, avisos a móbil, rexistro de datos, acceso por internet etc.